أطفال الإخوان المعتقلين.. زعماء فوق العادة

ترى لماذا يبتسمون أهى ابتسامه صبر أم ابتسمه أمل فى رؤية ابائهم من جديد خارج الاسوارً

سؤال وجيه جدا لماذا يحاكم أبى عسكريا ؟!. فهل عندكم رد

لماذا تبكين يا بنيتى تريدين حلوى أم تريدن لعبة ؟؟!.

أم تراك تريدين حرية وطن سلبه المفسدون كما سلبوا حرية أبيك

الحرية لوطن مسلوب الحرية لمعتقلى المحاكم العسكرية أفرجوا عن أبائنا

تركوا مدارسهم واحتشدوا فى الصباح الباكر امام المحاكم العسكرية

ليساندوا ابائهم ولعلهم يحصلون على نظرة اليهم من خلف قطبان الطغيان

سرقوا اموالهم وانتهكوا حرمة بيوتهم وحبسوا ابائهم ورغم ذلك يرفعون علم بلادهم فكيف تعلمت يا ولادى حب الوطن

مقتطفات من كلمات ابناء الاخوان المعتقلين الذين صادروا اموالهم واعتقلوا ابائهم فى محاكمات عسكرية ظالمة
(يا جنود الله صبرًا.. إن بعد العسر يسرًا، لا تظنوا السجن قهرًا.. رُبَّ سجنٍ قاد نصرًا)

"أبي أنت حرٌّ وراء السدود.. أبي أنت حرٌّ بتلك القيود"

أبي ربَّاني على حبِّ بلدي، ومهما اتظلمنا فيها برضة حافضل أحبها

وامَّا باهتف قدَّام المحكمة باحسّ إني باعمل حاجة صغيرة أوي قدام اللي بابا عمله لي، وباحاول أوصَّل صوتي لأي حد عنده عقل وبيفهم، وأقوله إن اللي بيحصل ده ظلم، وحاسس إني امَّا أكبر ويبقى عندي 20 سنة مش بس حأقود مظاهرة، لكن إن شاء الله حأقود مجموعة مؤمنة وقوية نغيِّر بيها الظلم ونصلَّح المجتمع كله

"أنا حاسَّة إني كبرت أوي، وامَّا باهتف باحس إن اللي باقوله ده لبابا وبس مش لحد تاني.. هما بيظلمونا ومعندهمش دليل على الظلم دا، ورغم انهم بيظلمونا لكن احنا حننتصر قريبًا إن شاء الله، وهما كده حيخشُّوا النار، هما كل ما يعملوا فينا حاجة وحشة بياخدوا سيئات واحنا بناخد حسنات، بابا كل ما يبني حاجة يهدوها له،

أنا عارف إن بابا في السجن عشان الإخوان، وانا شفت العساكر لما جُم خدوه وكنت خايف جدًّا عشان كنا بالليل أوي، وأخدوا الكمبيوتر بتاعي وقعدت أقول لهم سيبوا الكمبيوتر.. سيبوا الكمبيوتر، بس ما سمعوش الكلام، وخدوا الكمبيوتر والشاشة والماوس والكيبورد والسماعات، وخدوا بابا كمان وركبوا عربية كبيرة أوي، وكنت قلقان عشان بابا كان حيذاكرلي الامتحان، أنا عاوز اضربهم كلهم، بس هما أكبر مني ضربي مش حيوجعه .

أنا عايزة أقول لبابا.. انت حلو وأنا بحبك أوي.. أنت حتجيلنا إمتى يا بابا، عشان أنت وحشتني أوي، وأنا نفسي أروح معاك النادي؟ وتساءلت: "لو بابا مطلعش هنروح المصيف إزاي؟!". وتُكمل: "وانا باكره الناس اللي خدو بابا وهما وحشين أوي ولو أخذوا بابا تاني أنا حضربهم واشد شعرهم"، وتساءلت ببراءة: "هما ليه أخذوا بابا من البيت وخدوا الحاجات بتاعتنا؟! ليه مش عايزين يرجَّعوا بابا لينا؟

----------------------------------------------------------------------------